لکی مروت میں نامعلوم افراد کی فائرنگ سے ڈپٹی ڈائریکٹر ایف آئی اے قتل

تاجہ زئی میں نامعلوم افراد کی فائرنگ سے ڈپٹی ڈائریکٹر ایف آئی اےانعام اللہ جاں بحق ہو گئے۔ خیبرپختون خوا کے ضلع لکی مروت کے علاقے تاجہ زئی میں نامعلوم افراد نے فائرنگ کرکے ڈپٹی ڈائریکٹر ایف آئی اے انعام اللہ جاں کو قتل کردیا۔ واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی اور علاقے کو گھیرے میں لے کر آپریشن شروع کردیا گیا، جب کہ مقتول کی لاش ڈسٹرکٹ ہیڈ کوارٹر اسپتال منتقل کردی گئی۔ حکام نے بتایا کہ ڈپٹی ڈائریکٹر ایف آئی اے انعام بنوں میں تعینات تھے، اور ابتدائی طور پر واقعہ ذاتی دشمنی کا شاخسانہ لگتا ہے، تاہم ابھی کچھ کہنا قبل از وقت ہے، پولیس نے تحقیقات شروع کردی ہے، اور جائے وقوعہ سے شواہد جمع کرلئے گئے ہیں۔
https://www.samaa.tv/news/40012170/